आमच्याबद्दल

"झाड लावणं हे केवळ एक सामाजिक कर्तव्य नाही, तर ते अध्यात्मिक साधनेसारखं आहे. जय हिंद फाउंडेशन, अहिल्यानगर यांनी जे वृक्षसंवर्धनाचं कार्य केलं आहे, ते अत्यंत प्रेरणादायी आहे.
१९,२०० पेक्षा जास्त झाडं आणि ४,७०० वडाची लागवड म्हणजे निसर्गाशी जोडलेली भक्तीच आहे. या कार्यात सैनिक बांधवांना सहभागी करून घेणं ही या संस्थेची अनोखी देणगी आहे. मी त्यांना मन:पूर्वक आशीर्वाद देतो की त्यांची ही चळवळ महाराष्ट्रभर पोहोचो.
निसर्ग व समाज दोघांचंही रक्षण करणारी ही दिशा खरंच स्तुत्य आहे."

"खेड्यांचा विकास हा फक्त रस्ते आणि इमारतींनी होत नाही, तर पर्यावरणाच्या रक्षणानेही होतो. जय हिंद फाउंडेशनने आजी-माजी सैनिकांशी मिळून जे झाडांची लागवड व संवर्धन केलं, ते खरं म्हणजे गाव विकासाच्या दृष्टीने एक आदर्श उदाहरण आहे. या संस्थेने समाजात पर्यावरणाची जाणीव निर्माण केली आहे आणि लोकसहभाग वाढवला आहे. त्यांची कार्यपद्धती, नियमितता आणि चिकाटी पाहता भविष्यातही ही चळवळ अधिक मजबूत होईल.
मी त्यांचं मन:पूर्वक कौतुक करतो आणि गावोगावी ही ऊर्जा पोहोचो अशी सदिच्छा व्यक्त करतो."

"जे काम झाडं लावून, समाजात पर्यावरणाचे महत्त्व पटवून दिलं जातं, ते खरोखरच लोकशिक्षण आणि लोककल्याणाचं उत्तम उदाहरण आहे. जय हिंद फाउंडेशनचं कार्य हे एक मूक आंदोलन आहे, त्यामागची तळमळ फार मोठी आहे. झाडं लावणं, वाचवणं आणि त्यासाठी जनतेला जोडणं हे फार अवघड आहे, पण त्यांनी ते करून दाखवलं. अहिल्यानगर आणि कोल्हारमध्ये जे कार्य उभं राहिलं आहे, ते इतर संस्थांसाठी मार्गदर्शक ठरेल.
माझ्या मन:पूर्वक शुभेच्छा आणि समर्थन या संस्थेसोबत आहेत."